හැමෝටම ඇහෙන්නැති පුංචි රේඩියෝ

 ශ්‍රි ලංකාවේ ප්‍රාදේශීය ගුවන්විදුලි මාධ්‍ය සේවාවන් 

මාධ්‍යකරනය පිලිබද ලංකාවේ බොහෝ දෙනාගේ මතය විවිධාකාර මෙන්ම යම් විවේචනාත්මක ස්වරෑපයකින් පවතින වටපිටාවක ගුවන්විදුලි මාධ්‍ය යනු ලංකාවේ ප්‍රබල සන්නිවේදනයක් සිදු කරන ලද මාධ්‍ය මෙවලමක් ලෙස කාගෙත් අවධානයට ලක් වූ කතා බහකි. ප්‍රධාන වශයෙන් ලංකාව වැනි රටක පලමුව ප්‍රජාව අතරට පුවත්පත ලංවූ නමුත් පසු කාලීනව එය වෙනස් වී ගුවන්විදුලිය වැලද ගැනීමත් සමග ජනතාවගේ බුද්ධි මට්ටමට සරිලන තොරතුරැ ලැබෙන්නට සැලැස්විය.

ගූවන්විදුලිය ආරම්භ වීම අපට මුල් කාලයේ අරුමයක් වූවත් පසු කාලීනව එයින් ලැබෙන දැනුම , තොරතුරු ප්‍රවාහයත් සමග මහජනතාව ගුවන්විදුලියට දැක් වූ ඇල්ම වැඩි විය. කෙසේ වෙතත් ලංකාවේ බොහෝ දෙනාගේ ශ්‍රවණ කේන්ද්‍රීය දැනුම වර්ධනය වීම පිණිස ශ්‍රී ලංකා ගුවන් විදුලි සංස්ථාව විසින් ලංකාවේ විවිධ ප්‍රදේශවලට ආවේණික වූත් විශේෂ වූත් ගුවන්විදුලි මාධ්‍ය සේවාවන් ආරම්භ කරන ලදී. මේ සියල්ලම ප්‍රාදේශීය ගුවන්විදුලි මාධ්‍ය සේවා ලෙස නම් කරන ලදී. මෙකී ප්‍රාදේශීය ප්‍රාදේශීය ගුවන්විදුලි මාධ්‍ය නාලිකා හේතුවෙන් ලංකාවේ විවිධ ප්‍රදේශවල ජනතාවට තමන්ට හුරු පුරුදු වූ බසින් ම රේඩියෝව අසන්නට හුරු කලේය. 

ඉහත සදහන් කරන ලද ශ්‍රී ලංකාවේ ප්‍රාදේශීය ගුවන්විදුලි සේවා 1950 ගණන්වල ආරම්භ කරන ලද්දේ ශ්‍රී ලංකා ගුවන්විදුලි සංස්ථාව විසිනි. විදේශීය ගුවන්විදුලි සේවාවල ඇති විශේෂත්වය විවිධ ප්‍රදේශවල, විවිධ භාෂාමය සංස්කෘතික හා භූගෝලීය අවශ්‍යතා සපුරාලීම සදහා සංවර්ධනය කරන ලදී. මෙමගින් ප්‍රාදේශීය ප්‍රවෘත්ති, සංස්කෘතික වැඩසටහන් වගේම අධ්‍යාපන වැඩසටහන් විකාශය කිරීමත්, විවිධ පලාත්වල පුද්ගලයන්ගේ විශේෂ අවශ්‍යතා සදහාත් වඩා වැදගත් සේවාවකි. කෙසේ වෙතත් ලංකාවේ මේ වන විට ඉතා සීමිත ප්‍රාදේශීය ගුවන් කලාප කිහිපයක් පවතින අතර ඒවා අතරට රජරට ශ්‍රවණ කලාපය, රුහුණු ශ්‍රවණ කලාපය, කඳුරට ශ්‍රවණ කලාපය, යාපනය ශ්‍රවණ කලාපය මෙන්ම වයඹ ශ්‍රවණ කලාපය දැක්විය හැකිය.

1. කඳුරට ගුවන්විදුලි සේවය ( Kandurata Sevaya/ Central Services)

 කඳුරට ගුවන්විදුලි සේවය ( Kandurata sevaya ) යනු ශ්‍රී ලංකා ගුවන් විදුලි සංස්ථාව විසින් කුමාරි කුසුම්මත් මධ්‍යම පලාතේ ජනතාව වෙනුවෙන් විකාශනය ආරම්භ කරන ලද රේඩියෝ සේවාවකි. මෙය ප්‍රධාන වශයෙන් ම මධ්‍යම පලාතේ ( මහනුවර , නුවරඑළිය, මාතලේ ) ආවරණය කරමින් විකාශනය වන අතර 1983 වර්ෂයේ මෙය නිල වශයෙන් ආරම්භ කරන ලදී. එම ප්‍රදේශවල පවතින සංස්කෘතික සමාජීය හා ආර්ථික කටයුතු සම්බන්ධ ව විශේෂාංග , ප්‍රාදේශීය පුවත් හා සංගීතමය වැඩසටහන් වලට මුල් තැන දෙයි. 

මෙහි විශේෂාංග පිලිබද විමසා බැලීමේදී මෙහි වැඩසටහන් සිංහල භාෂාවෙන් විකාශනය වේ. එමෙන්ම අන්තර්ගතය ප්‍රාදේශීය පුවත් , සෙසු ප්‍රාදේශ වලට වඩා වෙනස් සංස්කෘතිකාංග , කලාංග හා සංගීත , උත්සව හා සාහිත්‍ය සාකච්ඡා ආදිය විකාශනය වේ. 

මෙම සේවයේ ප්‍රාදේශීය වටිනාකම පිලිබද විමසීමේදී මධ්‍යම පලාතේ කෘෂිකර්මාන්තය,කලාකෘති හා උත්සව පිලිබද වැඩි අවධානයක් යොමු කරයි. කඳුරට සේවය මධ්‍යම පලාතේ ජනතාව අතර ජනප්‍රිය වී ඇති අතර , එහි ප්‍රාදේශීය සංස්කෘතිය හා ජන ජීවිතය ඉතා කදිමට නිරූපණය කරයි.

2. රුහුණු ගුවන්විදුලි සේවය ( Ruhunu Sevaya ) 

     රුහුණු සේවය යනු ශ්‍රී ලංකා ගුවන්විදුලි සංස්ථාව විසින් ක්‍රියාත්මක කරනු ලබන සේවාවක් වන අතර මෙය ප්‍රධාන වශයෙන් දකුණු පලාතට ( ගාල්ල, මාතර , හම්බන්තොට) විකාශනය කෙරේ. 1980 වසරේ දී මෙම සේවාව ආරම්භ කරන ලදී . රුහුණු සේවයේ වැඩසටහන් සිංහල භාෂාවෙන් විකාශනය කෙරේ . විශේෂයෙන් දකුණු පලාතේ කලාකරුවන්ගේ වැඩසටහන් වැඩසටහන්, කලාකෘති, සාහිත්‍ය සාකච්ඡා , කෘෂිකාර්මික, ධීවර හා පාරිභෝගික කටයුතු ආශ්‍රිත වැඩසටහන් සිදු කරනු ලබයි. 

රුහුණු සේවය දකුණේ ආකර්ෂණීය සංස්කෘතිය, දේශපාලනික හා සාහිත්‍යමය කර්තෘත්වය හදුන්වාදෙන ප්‍රමුඛ වාණිජමය නොවන සේවාවක් ලෙස දැක්විය හැකිය. මෙහි ප්‍රාදේශීය ආවරණය පිලිබද විමසීමේදී ගාල්ල, මාතර ,හම්බන්තොට, කලුතර හා රත්නපුර යන ප්‍රදේශවලට වැඩි අවධානයක් යොමු කරයි. රුහුණු සේවය දකුණු පලාතේ ජනතාව අතර ජනප්‍රිය ව ඇති අතර එහි අධ්‍යාපනික හා ප්‍රාදේශීය සංවර්ධන කටයුතු සදහා ද වැදගත් වන සේවාවකි. 

3. රජරට ගුවන්විදුලි සේවය ( Rajarata sevaya ) 

    1979 දී ආරම්භ කරන ලද රජරට ගුවන්විදුලි සේවය ශ්‍රී ලංකා ගුවන්විදුලි සංස්ථාවට අනුබද්ධිත වේ. මෙය ප්‍රධාන වශයෙන් ම උතුරු මැද පළාතේ ජනතාව වෙනුවෙන් විකාශනය වන අතර එම ප්‍රදේශයේ ආර්ථික, සමාජීය , සංස්කෘතික හා දේශපාලනික තොරතුරු ඉදිරිපත් කරයි. 

භාෂාව පිලිබද විමසා බැලීමේදී ප්‍රධාන වශයෙන් සිංහල බසින් වැඩසටහන් විකාශනය කරන අතර ඇතැම් වැඩසටහන් දෙමළ බසින් එහි පවතින ජනගහනය අනුව විකාශනය කරයි . මෙහි අන්තර්ගතයන් විමසීමේදී කෘෂිකාර්මික පුවත්, දේශපාලනික වැඩසටහන් , සංස්කෘතික වැඩසටහන් හා ආගමික වැඩසටහන් ඇතුලත් වේ. 

එමෙන්ම ප්‍රාදේශීය වැදගත්කම පිලිබද විමසීමේදී උතුරුමැද පලාතේ කෘෂිකාර්මික සම්ප්‍රදායන් , පුරාණ උරුමයන් හා බෞද්ධ උරුමයන් පිලිබද වැඩසටහන් විකාශය කරනු ලබයි. ප්‍රධාන කාරණාව වන්නේ ගොවිජනතාවගේ අභියෝග හා දෛනික ජීවිතය කතාබහට ගැනීමයි. රජරට සේවයේ විකාශනය කලාපය පිලිබද දැක්වීමේ දි අනුරාධපුර හා පොලොන්නරුව යන ප්‍රධාන නගර ප්‍රාන්තයක් පුරා අධික ප්‍රේක්ෂක සංඛ්‍යාවක් මෙම සේවාව වැලදගෙන තිබේ.

4. වයඹ හඩ/ වයඹ සේවය ( Wayamba Sevaya )

     2009 දී ආරම්භ කරන ලද වයඹ ගුවන්විදුලි සේවය යනු ද ශ්‍රී ලංකා ගුවන්විදුලි සංස්ථාව මගින් පාලනය වේ. මෙම සේවාව වයඹ පලාතේ කුරුණෑගල හා පුත්තලම යන දිස්ත්‍රික්ක ආවරණය කරමින් ප්‍රාදේශීය පුවත්, සංස්කෘතික වැඩසටහන් හා ගොවි ජනතාවගේ ගැටලු පිලිබද විකාශනය කරනු ලබයි. මෙහි වැඩසටහන් ප්‍රධාන වශයෙන් සිංහල බසින් විකාශනය වේ. එමෙන්ම දෙමල බසින් ද අන්තර්ගතයන් විකාශනය වේ. 

විශේෂයෙන් කෘෂිකාර්මික තොරතුරු, සෞඛ්‍ය, අධ්‍යාපනික හා සංස්කෘතික වැඩසටහන් මෙම සේවාවේ ප්‍රධාන අන්තර්ගතයන් වේ. එමෙන්ම වගා හා සනීපාරක්ෂාව සම්බන්ධයෙන් ද වැඩසටහන් විකාශනය වේ. 

එමෙන්ම වයඹ පලාතේ විශේෂ දේශගුණික තත්වයන් හා එම පලාතේ සාම්ප්‍රදායික ගොවිජන ජීවිතය හදුනාගෙන එයට ගැලපෙන අධ්‍යාපනික හා ආරක්ෂණ වැඩසටහන් විකාශනය කෙරේ. මෙහි විකාශන කලාපය පිලිබද විමසීමේදී කුරුණෑගල හා පුත්තලම යන ප්‍රධාන නගරවල හා ඒ අවට ප්‍රදේශවල වයඹ හඩ විකාශනය වේ . 

5. යාපනය ගුවන් විදුලි සේවය ( Jaffna Radio Service )

      1960 දශකයේ ආරම්භ කරන ලද යාපනය රේඩියෝව ද ශ්‍රී ලංකා ගුවන්විදුලි සංස්ථාව යටතේ පාලනය වේ. මෙය යාපනය දිස්ත්‍රික්කය හා උතුරු පලාත ආවරණය කරන සේවාවක් වන අතර එහි ප්‍රධාන අරමුණ උතුරු පලාතේ දෙමල ජනතාවට විශේෂිත තොරතුරු ලබා දීමයි. 

යාපනය සේවයේ වැඩසටහන් විකාශන භාෂාව ලෙස ප්‍රධාන වන්නේ දෙමළ භාෂාවයි.මෙහි අන්තර්ගතය ද ප්‍රාදේශීය පුවත්, සංස්කෘතික වැඩසටහන්, සංගීත, සාහිත්‍ය, ආගමික වැඩසටහන් සෞඛ්‍ය හා අධ්‍යාපනික තොරතුරු යාපනය සේවයේ විකාශනය වේ. එමෙන්ම ගොවිජන කටයුතු , මුහුදු කම්කරු ජනතාවගේ මෙන්ම උතුරු පලාතේ විවිධ අර්බුද පිලිබද ව ද අන්තර්ගතයන් විකාශනය වේ. 

මෙහි විකාශන කලාපය පිලිබද විමසා බැලීමේදී යාපනය , කිලිනොච්චි, මුලතිව් හා අවට ප්‍රදේශ ආවරණය කරමින් මෙම ගුවන්විදුලි සේවාව විකාශන කටයුතු සිදුකරයි. යාපනය ගුවන්විදුලි සේවාව උතුරු පලාතේ දෙමල ජනතාවගේ සමාජිය , ආගමික හා සංස්කෘතික අවශ්‍යතා ඉටු කිරීමේදී වැදගත් කාර්යභාරයක් ඉටුකරමින් ද ඔවුන්ගේ සුවිශේෂි ජන ජීවිතය නියෝජනය කරයි. 

ලංකාවේ ගුවන්විදුලි මාධ්‍ය සම්බන්ධයෙන් ගත් කල බොහෝ අවස්ථාවල දක්නට ලැබෙන්නේ ඉහත කී 1950-60 මෙන්ම 1970 -80 යන දශක වලට වඩා පැහැදිලි වෙනසකි. එනම් මුල් කාලයේ ගුවන්විදුලි සම්බන්ධයෙන් ජනතාව තුල තිබු ආකල්පය රූපවාහිනිය පැමිණිමත්, නව මාධ්‍ය පැමිණීමත් සමග පෙරළිකාර අවස්ථාවක ලක් විය. එතෙක් අසන්නන් බහුල වූ ලංකාවේ ජනතාව පසුකාලීන ව නරඹන්නන් මෙන්ම පරිශිලකයන් බවට පරිවර්තනය විය. ඒ ද පෙර සිට ශ්‍රාවකයන්ම ය . කෙසේ වෙතත් ප්‍රාදේශීය ගුවන්විදුලි සේවා තවමත් ක්‍රියාත්මක නමුත් ආරම්භක අවස්ථාවල තිබූ ජවය මෙකල නැති බව පැහැදිලි ය. නමුත් ජනතාව අසන්නන් ගොඩේ තවමත් සිටි . ඒ නව මාධ්‍යයට පිං සිදු වන්නටය. රේඩියෝ යන්ත්‍රය පසෙකලා ජංගම දුරකථනයේ කොටසක් තම රේඩියෝව කරගත් අසන්නන් පිරිසක් තවමත් ලංකාවේ ඉතිරි ව පවතී. 

• මේ ලිපියේ Engilsh article එක මෙතැනින් download කරගන්න.

අත දිගෑරල යුද්ධ කරන මියන්මාරය

 මියන්මාරයේ වසර හතරක යුද්ධය 

තුන්වන ලෝකයේ රටවල් ලෙස ලේබල් වැදී ඇති බොහෝ ආසියාතික රටවල්වල දකින්න ලැබෙන ප්‍රධාන කාරණාව වන්නේ දරුණු ආර්ථික පරිහානිය,  දේශපාලනික අසමතුලිතතා, විවිධ සමාජිය ප්‍රශ්න ආදියයි. සමහර රටවල්වල මෙකී සාධක වෙනස් වී වෙනස් ම පැත්තකට තමන්ගේ රට ඈදා ගෙන යන අවස්ථා ඇත.  බොහෝ වෙලාවට නැගෙනහිර ආසියාතික රටවල් අතරින් බොහෝමයක් ආර්ථිකමය වශයෙන් තාඩන පීඩනවලට ලක්වන ආකාරයක් අපට වර්ථමානයේ දකින්න පුලුවන්. ඒ විතරක් නොවේ. එම රටවල්වල සිටින රාජ්‍ය නායකයන් පවා පවතින ගැටලු වලට පිලියම් සොයනවා වෙනුවට ප්‍රශ්නය තව තවත් දිග්ගැස්සීමට දරන උත්සාහය ද පුදුම සහගතය.

මේ දිනවල කාගේත් කතාබහ ඊශ්‍රායලය ලෙබනනයට දක්වන සැලකිල්ල වූවත් වසර හතරක් තිස්සේ පැස වූ තුවාලයක් මෙන් ඇදී යන මියන්මාරයේ යුද්ධය පිලිබද ව ඇති අවධානය අවම ය . නමුත් මේ ලිපියෙන් ඒ සම්බන්ධව සාරාංශ ගත කොට ඇත.

මියන්මාරය යුද්ධයක පැටලුනේ කොහොමද?

සරලව දැක්විය යුතු අදහස නම් මියන්මාරයේ යුද්ධයක් ආරම්භයට පෙර එහි තිබූ දේශපාලනික ඉතිහාසය පිලිබදව විමසා බැලීමයි.
1962 සිට 2011 දක්වා වසර 49 ක කාල වකවානු ව තුල මියන්මාරය පැවතියේ හමුදා පාලනයක් යටතේ ය . එනම් එම කාලය තුල රජයේ සියලුම බලතල හිමි වන්නේ හමුදාව යටතටය. මේ පාලනය මියන්මාර වැසියන් ට ඉතා අහිතකර බවත්, අමානුෂික බවත්, ඒ කාලයේ සිටි ජනතාවට සෙමින් සෙමින් වැටහෙන්න ගත් නිසා හමුදා පාලනයට මියන්මාරය ජනතාව තුල තිබූ ප්‍රසාදය දවසින් දවස අඩු විය.

මේ හේතුව නිසාම මියන්මාර ජනතාව 2011 සිට ප්‍රජාතන්ත්‍රවාදය දෙසට නැඹුරු වන්නට පටන් ගත්තේය. එමෙන්ම යුද්ධ පාලනයේ / හමුදා පාලනයේ තාඩන පීඩන හමුවේ ඇති වූ අපහසුතා හේතුවෙන් තමා ප්‍රජාතන්ත්‍රවාදයට සෘජුව කැමති බව ප්‍රකාශ කලා. මෙම හමුදා පාලනය මියන්මාරයේ ඇති වීමට ප්‍රධාන හේතුව 2008 ඇති වූ ව්‍යවස්ථා සංශෝධනයෙන් මියන්මාර් හමුදාවට
පාර්ලිමේන්තුවේ 25% ක බලයක් හිමි වීමය. එසේ ම ප්‍රධාන අමාත්‍යාංශ තුනක බලයද හිමි ව තිබුනි. ඒවා නම්,

1. රාජ්‍ය ආරක්ෂක අමාත්‍යාංශය
2. ස්වදේශ කටයුතු අමාත්‍යාංශය
3. දේශ සීමා ආරක්ෂක අමාත්‍යාංශය ලෙසය.

2020 නොවැම්බර් 8 වෙනිදා පැවැත් වූ මහ මැතිවරණයට මොකද වුනේ ?

2020 නොවැම්බර් 8 වනදා කෙසේ වෙතත් ඒ වන විට එරට ප්‍රධාන බහුතර ජනතාව කැමතිම පක්ෂය ලෙස දැක්වූයේ අවුන් සාන් සුකී ගේ NLD ( National League Democrazy) පක්ෂයයි. එමෙන් ම රටේ විරුද්ධ පක්ෂය වූයේ USDP ( Union Solidarity and Development Party )  පක්ෂයයි. මේ සමය වන විට මියන්මාරයේ අස්සක් මුල්ලක් නෑර ම හමුදා පාලනයකින් තොර වූ ප්‍රජාතන්ත්‍රවාදී පාලනයක් අවශ්‍ය බවට රැල්ලක් නිර්මාණය වෙමින් පැවතිනි . ඒ හේතුව නිසා රට තුල කොරෝනා වසංගතයක් පැවතුණත් 70%කටත් වඩා වැඩි පිරිසක් තම ඡන්දය ප්‍රජාතන්ත්‍රවාදී රටක් වෙනුවෙන් භාවිතා කලේය.

හමුදාව ඇයි අවුන් සාන් එක්ක අවුල් ඇති කරගත්තේ ?

මෙහිදී මහ මැතිවරණයයට පෙර අවුන් සාන් සුකී කියා සිටියේ තමන් ජයගතහොත් දේශපාලනයෙන් සහ රටේ පාලනයෙන් හමුදා භූමිකාව ඉවත් කරන බවයි. තවද 75% කට වඩා ඡන්දයෙන් ආසන හිමි කරගතහොත් තමන් නැවත ව්‍යවස්ථාව වෙනස් කරන බවද කියා සිටියා.  ඒ වගේම එක්සත් රජයක් බිහිකිරීමට ඇය අනෙකුත් ජනවාර්ගික පාර්ශ්ව වලින් ද ඉල්ලා සිටියා . මේ හේතුව නිසා රටේ ජනතාවද බයක් නැතුවම අවුන් සාන් සුකී ගේ ප්‍රජාතන්ත්‍රවාදය දෙසට නැඹුරු වුණා .

2020 නොවැම්බර් 8 පැවති මහ මැතිවරණයට මොකද වුනේ ?

සත්‍ය වශයෙන් ම අවුන් සාන් සුකී ගේ පක්ෂය 75% ක් ලබා ගැනීමට නම් ආසන 322 ක් ලබා ගැනීමට යුතු ව තිබුණත් අවුන් සාන් සුකී කියන ගණනටත් වඩා වැඩියෙන් එනම් ආසන 396 ක් ලබා ගෙන තිබුණාය. (396-322 = 74) මේ අතර හමුදාවේ සහයෙන් තරග කල ප්‍රධාන විරුද්ධ පක්ෂයට ලබාගැනීමට හැකි වූයේ ආසන 33 ක් පමණි. කෙසේ වෙතත් මියන්මාර හමුදාවේ ප්‍රමාණය ලක්ෂ 5 ක් 6 ක් පමණ වූවත් ඒ සියලුම හමුදා සාමාජිකයින් ගේ පවුල් වල බහුතරයක් USDP පක්ෂයට ජන්දය ලබා දී තිබුනේ නැත. එයින් කියැවෙන්නේ මියන්මාරය ප්‍රජාතන්ත්‍රවාදය ට වැඩි කැමැත්තක් ඇති බවය.

කෙසේ වෙතත් ප්‍රජාතන්ත්‍රවාදය සදහා වූ ජනතා ලීගය මහ මැතිවරණය දිනුවත් මියන්මාරයේ ජනාධිපති වූයේ අවුන් සාන් සුකී නොවේ . ඇය ක්‍රියා කලේ විදේශ ඇමති ලෙසය . ඒ වෙනුවට මියන්මාර ජනාධිපති වූයේ වින් මයින්ට් ය . අවුන් සාන් සුකී ට ජනාධිපති වීමට නොහැකි වෙන්න හේතුව වූයේ මෙයයි. එනම් මියන්මාර ජාතිකයෙක් විදේශ රටක කෙනෙක් සමග විවාහ විමත් , ඇගේ දරුවන් විදේශ ගත වීම නිසා ඇයට ජනාධිපති ධූරය අහිමි විය.

2020 මහ මැතිවරණයෙන් උරණ වූ හමුදාපති පස්සේ මොකද කලේ ?

පැවති මහ මැතිවරණයෙන් පැරදුණු හමුදාපති මැතිවරණ ක්‍රමය දූෂිතයි කියල මැතිවරණ කොමිසමට විරුද්ධ ව නඩු පැවරුවා. නමුත් හමුදාව මෙය වැරදි ඡන්දයක් යැයි කියන්නේ බලාපොරොත්තු වූ ප්‍රතිඵලය නොලැබුණු නිසාත්, මේ හේතුවෙන් තමන්ට ලැබෙන ප්‍රතිලාභ නොලැබෙන නිසාය. කෙසේ නමුත් හමුදාපතිවරයා පවරන ලද නඩු කිසිවක් සාර්ථක වූයේ නැත.

මේ තත්වයෙන් කිපුණු හමුදාපති ජෙනරාල් මින් අවුන්ග් හලයින්ග් 2021 පෙබරවාරි 1 වන දින මියන්මාරයේ සියලුම දුරකථන සේවා මෙන්ම අන්තර්ජාල පහසුකම් ද බිද වට්ටවා අවුන් සුකී හා ජනාධිපති වින් මයින්ට් ඇතුළු ප්‍රධාන පෙලේ නායකයන් සිරභාරයට ගන්නා ලදී. පසුව රටේ ජනතාව මීට විරුද්ධව  උද්ඝෝෂණ,  පෙලපාලි සංවිධානය කරන ලදී . මෙම තත්වය වැලැක්වීමට හමුදාවට සිය බලය භාවිතා කිරීමට සිදු විය. ඔවුන් ජනතාවට එරෙහිව අවි ආයුධ ද භාවිතා කරන ලද අතර එයින් 90 දෙනෙක් පමණ ජනතාව මරණයට පත් වූහ. මෙහිදී විශ්ලේෂකයන් පවසන්නේ නැවත මියන්මාරයේ ප්‍රජාතන්ත්‍රවාදය පිහිටුවීමට තවත් වසර 75 ක් පමණ ගතවන බවයි.

කෙසේ වෙතත් වසර 3ක් තිස්සේ විසදුමක් නොමැතිව දුර ඇදෙන යුද්ධය අද වන විට මියන්මාරයට සාමාන්‍ය සිද්ධියක් වී හමාරය. 2024 ජනවාරි වන විට මෙම යුද්ධය "හදිසි තත්වයක්" දක්වා දීර්ඝ කල අතර හමුදාව පවතින රජය ස්ථාවර කිරීමට ඕනෑම ක්‍රියාමාර්ගයක් ගන්නා බව ද තහවුරු කලේය. එමෙන්ම 2023 දෙසැම්බර් 23 වනදා එරට හමුදා ප්‍රධානී ජෙනරාල් මින් අවුන්ග් හලයින්ග් ජනවාර්ගික කණ්ඩායම් වලින් ඉල්ලා සිටින්නේ ජනතාවගේ ජීවිත පිලිබද වගකීම තමා භාරගන්නා බවත් ඉදිරි කටයුතු දේශපාලනික මට්ටමින් විසදා ගැනීමට කටයුතු කරන බවත් ය. 

සටහන - H.H.Geeth Malan

University of kelaniya 

Department of Mass Communication